Fjölnishlaup Gaman Ferða

Fjölnishlaup Gaman Ferða verður ræst í 31. sinn á uppstigningardag fimmtudaginn 30.maí klukkan 11:00 frá Íþróttamiðstöðinni í Grafarvogi við Dalhús. Fjölnishlaupið er jafnframt Íslandsmótið í 10 km götuhlaupi í ár.

Dagar
Klst
undefined
Mín
undefined
Sek
undefined
    
 Tímasetning

    Tímasetning

    Uppstigningardagur, fimmtudagurinn 30. maí 2019, kl. 11:00

    
 Vegalengdir

    Vegalengdir

    Boðið er uppá 10 km hlaup, 5 km hlaup og 1,4 km skemmtiskokk. Bæði 10 km og 5 km vegalengdirnar eru löglega mældar og er 10 km hlaupið Íslandsmeistaramót í 10 km götuhlaupi. 
    Athugið að aðeins 10 km hlaup gildir til stiga í stigakeppni Powerade Sumarhlaupanna. 

    
 Hlaupaleiðir

    Hlaupaleiðir

    Íslandsmeistaramótið í 10 km götuhlaupi verður ræst kl 11:00 frá göngustíg við Gagnveg sem er um 500 m norðaustan við Íþróttamiðstöðina í Dalhúsum - sjá kort. Hlaupið verður vestur fyrir fótboltavöllinn eftir Gagnvegi og um Fjallkonuveg og þaðan beygt niður göngustíg í átt að Grafarvogi og hann hlaupinn í vesturátt. Beygt verður inn í Bryggjuhverfið um Gullinbrú og þaðan verður hlaupið eftir göngustíg meðfram Elliðaárósum og yfir gömlu brýrnar við Geirsnef. Réttsælis hringur er tekinn um Geirsnef yfir nýju hjóla- og göngubrýrnar við Elliðaárósa. Síðan verður sama leið hlaupin til baka. Endamark er við Íþróttamiðstöðina í Dalhúsum. Brautin er annáluð fyrir góðar bætingar enda mjög flöt ef frá er talinn upphafs- og lokakílómetri.

    5 km hlaupið verður ræst kl 11:10 frá endamarki. Hlaupaleiðin er sú sama og í 10 km hlaupinu fyrri helming hlaupsins, en í Bryggjuhverfi verður snúið við og hlaupið sömu leið til baka.

    Skemmtiskokkið verður ræst skömmu á eftir 5 km hlaupinu. Í skemmtiskokkinu verður 1,4 km hringur hlaupinn um Dalhús og yfir á Fjallkonuveg - sjá kort.

    Sjá PDF útgáfu af korti

    
 Skráning og þátttökugjöld

    Skráning og þátttökugjöld

    Þátttökugjöld eru 3.000 kr fyrir 10 km hlaup og 2.500 kr fyrir 5 km hlaup við forskráningu á hlaup.is fram að miðnætti 29. maí en 3.500 kr (10 km) og 3.000 kr (5 km) ef skráð er á staðnum. Fyrir skemmtiskokk er þátttökugjaldið 1.000 kr, en hver fjölskylda greiðir að hámarki 3.000 kr fyrir þátttöku í skemmtiskokki. Skráning í skemmtiskokk fer aðeins fram á staðnum.

    Afhending gagna og skráning á staðnum verður frá kl. 18-20 29. maí og á keppnisdag frá 09:30 til 10:15 í anddyri Grafarvogslaugar í Íþróttamiðstöðinni í Dalhúsum.

    Athugið að aldurstakmark í 10 km hlaupið er 12 ára.

    
 Verðlaun

    Verðlaun

    • Verðlaun fyrir 1.-3. sæti karla og kvenna í íslandsmeistaramóti
    • Farandbikarar fyrir 1. sæti karla og kvenna í 10 km hlaupum
    • Verðlaunagripir fyrir fyrsta sæti karla og kvenna í öllum vegalengdum
    • Verðlaunapeningar fyrir fyrsta sæti karla og kvenna í hverjum aldursflokki í öllum vegalengdum
    • Þátttökupeningar
    • Tvenn gjafabréf frá Gaman ferðum í útdráttarverðlaun að verðmæti 50 þús. kr hvort
    • Fjöldi annara glæsilegra útdráttarverðlauna
    • Keppendur í 10 fyrstu sætum karla, kvenna og í aldursflokkum í 10 km hlaupi öðlast stig í keppni um stigahæstu hlaupara í Powerade sumarhlaupum
    
 Aldursflokkar

    Aldursflokkar

    5 km og 10 km hlaup

    • 18 ára og yngri
    • 19-39 ára
    • 40-49 ára
    • 50-59 ára
    • 60 ára og eldri

    Skemmtiskokk

    • 10 ára og yngri
    • 11-12 ára
    • 13-14 ára
    • 15 ára og eldri
    
 Tímataka og úrslit

    Tímataka og úrslit

    Tímataka verður með flögum í öllum vegalengdum. 
    Úrslit verða birt á vef Powerade sumarhlaupanna og hlaup.is

    
 Drykkir

    Drykkir

    Drykkir í boði CCEP við 5 km og í endamarki

    
 Skipuleggjendur

    Skipuleggjendur

    Framkvæmd hlaupsins er í höndum frjálsíþróttadeildar Fjölnis en vefsíða deildarinnar er á fjolnir.is. Hlaupstjóri er Óskar Hlynsson.

Samstarfsaðilar

Íþróttabandalag Reykjavíkur, frjálsíþróttadeildir Ármanns, Fjölnis og ÍR og Powerade standa saman að Powerade Sumahlaupunum, mótaröð fimm sumarhlaupa í Reykjavík.