Á sumardaginn fyrsta fer Víðavangshlaup ÍR fram í 104. sinn. Víðavangshlaup ÍR var fyrst haldið á sumardaginn fyrsta árið 1916 og hefur síðan þá verið órjúfanlegur þáttur í hátíðarhöldum Reykjavíkurborgar, en enginn íþróttaviðburður hér á landi á jafn langa samfellda sögu og Víðavangshlaup ÍR.
Tímasetning
Sumardagurinn fyrsti, fimmtudagurinn 25. apríl.
5 km kl.12:00
2,7 km kl.12:10
Staðsetning
Víðavangshlaup ÍR er ræst kl. 12:00 í Tryggvagötunni við Pósthússtræti. Skemmtiskokkið er ræst kl. 12:10 í Lækjargötunni fyrir framan MR. Báðar vegalengdir enda í Pósthússtræti þar sem verðlaunaafhending fer fram.
Skráning
Skráning í hlaupið fer fram á vefnum ir.is/vidavangshlaup og er opin til 11:00 á hlaupdag. Þátttökugjaldið hækkar frá og með 23. apríl og eru þátttakendur því hvattir til að forskrá sig tímanlega. Forskráning fer jafnframt fram í ÍR heimilinu miðvikudaginn 24. apríl á milli kl. 16:30 og 19:00.
Unnt er að skrá sig í Ráðhúsi Reykjavíkur á hlaupadag 25. apríl frá kl. 09:30-11:00 eða þar til 60 mínútum fyrir hlaup, keppendur eru vinsamlegast beðnir um að virða tímamörkin.
Afhending gagna
Forskráðir hlauparar geta sótt gögnin sín í ÍR heimilinu, Skógarseli 12, miðvikudaginn 24.apríl á milli kl. 16:30 og 19:00.
Afhending gagna á hlaupadegi verður í Ráðhúsi Reykjavíkur, á milli kl. 09:30 og 11:00 eða þar til 60 mínútum fyrir hlaup. Þátttakendur eru vinsamlegast beðnir um að virða þau tímamörk. Ekki er hægt að ábyrgjast að þeir sem mæta eftir kl. 11:00 fái afhent gögn fyrir ræsingu.
Vegalengdir
Hlaupaleið Víðavangshlaups ÍR er 5 km, mæld og viðurkennd af Frjálsíþróttasambandi Íslands (FRÍ). Skemmtiskokkið er 2,7 km og er án tímatöku. 5 km hlaupið er jafnframt Íslandsmeistaramót karla og kvenna í 5 km götuhlaupi.
Nánari upplýsingar
Upplýsingar um þátttökugjöld, hlaupaleið, tímatöku, verðlaun o.fl. má finna á vef hlaupsins ir.is/vidavangshlaup/
