Verðlaun

Stigahæsti karl og stigahæsta konan í öllum fimm Gatorade Sumarhlaupunum samanlagt fá veglegan ferðavinning frá Gatorade í verðlaun. Hlauparar í öðru sæti stigakeppninnar fá Adidas skó og fyrir þriðja sæti er gjafabréf frá Gatorade.

Það er árangur í vegalengdinni 10 km í öllum hlaupunum sem gildir til stiga í Gatorade Sumarhlaupunum nema í Víðavangshlaupi ÍR þar sem 5 km hlaup gildir til stiga.

Í síðasta hlaupi Gatorade Sumarhlaupanna, Reykjavíkurmaraþoni Íslandsbanka, verður dregið um verðlaun meðal allra keppanda mótaraðarinnar sem tekið hafa þátt í tveimur eða fleiri hlaupum. Hlaupari sem tekur þátt í öllum hlaupunum á meiri möguleika á að fá verðlaun þar sem hann fær nafn sitt fimm sinnum í pottinn sem útdráttarverðlaun eru dregin úr. Þeir sem hlaupa í fjórum hlaupum fá nafn sitt fjórum sinnum í pott o.s.frv. Í verðlaun eru gjafabréf frá Gatorade .

Samstarfsaðilar

Íþróttabandalag Reykjavíkur, frjálsíþróttadeildir Ármanns, Fjölnis og ÍR og Gatorade standa saman að Gatorade Sumahlaupunum, mótaröð fimm sumarhlaupa í Reykjavík.