Víðavangshlaup ÍR á fimmtudaginn
22. apríl 2019

Powerade Sumarhlaupin 2019 hefjast á sumardaginn fyrsta, fimmtudaginn 25.apríl kl.12, en þá fer Víðavangshlaup ÍR fram í 104. sinn. Bæði er boðið upp á hina hefðbundu 5 km hlaupaleið en einnig er hægt að taka þátt í 2,7 km skemmtiskokki sem er hugsað sem skemmtilegt fjölskylduhlaup. 

Hlaupin verður einstök 5 km leið um hjarta miðbæjarins sem hefst í Tryggvagötu við Pósthússtræti og liggur meðal annars upp Hverfisgötuna, niður Laugaveginn og umhverfis Tjörnina. Skemmtiskokkið er ræst í Lækjargötunni fyrir framan MR og munu þátttakendur renna inn í hlaupaleið Víðavangshlaupsins og hlaupa síðustu 2,7 km leiðarinnar með þeim og inn í markið í Pósthússtræti.

Skráning í Víðavangshlaup ÍR er í fullum gangi á netskraning.is og verður opin til klukkan 11:00 á hlaupdag. Smelltu hér til að skrá þig. Einnig verður hægt að skrá sig í ÍR heimilinu miðvikudaginn 24.apríl klukkan 16:30 til 19:00 og á hlaupdag við rásmark frá klukkan 9:30 til 11:00.

Smelltu hér til að skoða nánari upplýsingar um Víðavangshlaup ÍR 2019.

Deila þessari frétt
Samstarfsaðilar

Íþróttabandalag Reykjavíkur, frjálsíþróttadeildir Ármanns, Fjölnis og ÍR og Powerade standa saman að Powerade Sumahlaupunum, mótaröð fimm sumarhlaupa í Reykjavík.